د کیفیت لوړاوي کمیټې له لوري غونډه ترسره شوه.
پرون چهار شنبه، د میرویس خان نیکه زابل د لوړو زده کړو مؤسسې په علمي معاونیت کې د کیفیت لوړاوي کميټې له لوري غونډه په داسی حال کې تر سره شوه، چې په مهال یې د علمي چارو مرستیال او د یادي کمیټې آمر او نورو غړو ګډون درلود.
غونډه د قرآن کريم د څو مبارکو آیاتونو په تلاوت سره د اجنډا مطابق پيل شوه، په لومړۍ سر کې د کیفیت لوړاوي کمیټې د آمر له لوري د غونډي ګډونوالو ته ښه راغلاست وویل شو او ورسته د مؤسسې د پوهنځیو د تدریسي او اجرایه مدیریتونو د ارزونې پر پايلو بحث وشو او له نظریاتو ورسته د یادو ارزونو راپورونه تائید او پریکړه وشوه، چې له اړونده برخو سره دې فیډبک شریک شي.
غونډه د دعا په ويلو سره پای ته ورسيده.
