د میرویس خان نیکه زابل د لوړو زده کړو مؤسسې د رئیس پیغام

2 میاشتې 2 اونی ago

 ګرانو هیواد والو! 

د یوه هېواد او ټولنې هر اړخیز پرمختګ او وده د هغه هېواد د لوړو زده کړو په پیاوړي نظام پورې اړه لري.
تېرو څلور لسیزو جګړو د روس او امریکا یرغلونو د ګران هېواد افغانستان د نورو برخو ترڅنګ تحصیلي او علمي بنسټونه هم زیات زیانمن کړي وو، الحمدلله یو ځل بیا یې د اسلامي نظام تر سیوري لاندې د ژوند ساه اخیستې او یو ښه فرصت په لاس راغلی، چې په ګډه د اسلامي او افغاني ارزښتونو په رڼا کې د تعلیم، تحصیل او ساینس په برخه کې د هېواد ځان بسیاینې لپاره نه ستړي کېدونکې هلې ځلې وکړو.

د دې لپاره چې پرمختللی، د نورو له احتیاج نه خلاص او په ځان متکي افغانستان ولرو، لازمه ده چې د هېواد په تحصیلي بنسټونو داسې پانګونه وکړو، څو په ملي او نړیوالو معیارونو برابر او د ټولنې اړتياوو ته ځواب ویونکي وي.

زموږ موخه د میرویس خان نیکه زابل د لوړو زده کړو مؤسسې داسې یو معیاري او باکیفیت تحصیلي بنسټ جوړول دي څو د زابلي ټولنې او هېواد د غوښتنو ځواب ویونکی او د ستونزو په هواري کې مؤثر رول او ځای ولري. 

په درنښت