د اداري کارمندانو سره د همغږۍ ناسته تر سره شوه
نن سه شنبه، د میرویس خان نیکه زابل د لوړو زده کړو مؤسسې، د کتابتون په عمومي مدیریت کې، د میرویس خان نیکه زابل د لوړو زده کړو مؤسسې مالي او اداري چارو مرستیال قاري محمدالدین انس، د یادي مؤسسې د اداري کارمندانو سره ناسته تر سره کړه.
یاده ناسته د قرانکریم د څو مبارکو آیاتونو په تلاوت سره پیل شوه، ورپسي د مالي او اداري چارو مرستیال د ناستې ګډونوالو ته ښه راغلاست ووایه او زیاته یې کړه، چې زموږ او ستاسو د ټولو دا مسؤلیت دي، چې پر وخت خپلو کارونو ته حاضر شو او په پوره ایماندارۍ سره کارونه ترسره کړو.
د ناستې په پای کې یې د اداري کارمندانو یو لړ ستونزي واوریدلي او هغو ته یې د یادو ستونزو پر وخت حل کیدو ژمنه وکړه او ناسته د دعا په ویلو سره پای ته ورسیده.
