ښوونه او روزنه پوهنځی

 

د ښووني او روزني پوهنځي کتلاک ــ فاينل شوي

نهایی اصلاح شوی پلان1401-1405

دستراتیژیک پلان د۱۴۰۳ کال تطبیقي پلان

 

د ښوونې او روزنې پوهنځي په ۱۳۹۶ هـ ش کال د زابل ولایت د درنو ولسونو د مکررو غوښتنو په پایله کې د کابینې د دریمې مصوبې د پریکړي په اساس د میرویس خان نیکه زابل د لوړو زده کړو مؤسسې په چوکاټ کې د څلورو څانګو (ریاضي، فزیک، کیمیا، بیولوژي) او ۱۸ کادري بستونو او څو اداري بستونو په لرلو سره تاسیس او په فعالیت پیل وکړ. یاده پوهنځي په ۱۴۰۰ هـ ش کال په خپله لومړنۍ دوره کې د ۷۲ تنو زده کړیالانو په شمير سره فارغ او ټولنې ته د خدمت لپاره وړاندي کړل.

اوس مهال نوموړي پوهنځي په یادو څانګو کې د ۴۵۷ تنو په شاوخوا کې برحاله زده کړیالان لري، چې په زیاته کچه د ماسټر استادانو له لوري یې تدریسي چارې مخته وړل کيږي. د نوموړي پوهنځي زیاتره استادانو په بیلابیلو هیوادونو کې خپلې زده کړي بشپړي کړي دي؛ چې ځیني يې لا هم په زده کړو بوخت دي. د ښوونې او روزنې پوهنځي ویاړي چې په پوره صداقت سره هیواد او ټولنې ته د علمي کادرونو د روزلو په برخه کې خدمات وړاندي کوي.

د ښوونې او روزنې پوهنځي په اداري او تدريسي تشکيل کې رئیس، مرستيال، د څانګو آمرين، استادان، تدريسي چارو عمومي مدير، اجرائيه او د لابراتوار مديران لري.

 لرلید:

 د ښوونې او روزنې پوهنځي به د ښه تدریس او غوره څیړنیزو خدماتو په ترسره کولو سره د هیواد په سطحه د مسلکي او وړ ښوونکو د روزنې یو معتبر او معیاري مرکز واوسي.

رسالت:

د ښوونې او روزنې پوهنځي د یو معیاري، ښوونيز او روزنیز چاپیریال د رامنځته کولو له لارې د ټولنې د خدمت او پرمختګ په موخه اسلامي او ملي ارزښتونو ته ژمن مسلکي ښوونکي روزي.

موخي:

1. د ښوونې او روزنې پوهنځي په ټولو څانګو کې د ټولنې د خدمت لپاره مسلکي ښوونکي روزي.
2. د زده کړیزو موخو د کیفیت د لا ښه والي لپاره پرلپسي هڅې.
3. د استادانو او کارمندانو ظرفیت لوړونې ته ژمنتیا.
4. د علمي برنامو ایجاد، پراختیا، او اصلاح.
5. د مطالعي، تدریس او څیړنې لپاره مناسب چاپیریال رامنځته کول.
6. په ټولو اړوندو څانګو کې د څیړنې ترویج او تقویت.
7. د کیفیت لوړاوي او خدماتو په ارایه کولو کې په ملي کچه رقابت.
8. د بنسټيزو تاسیساتو  وده او پراختیا.

ارزښتونه:

1. اسلامي ملي او علمي ارزښتونو ته درناوی.
2. د لوړو زده کړو  وزارت قوانینو، لوایحو، مقرراتو، طرزالعملونو او د مؤسسي پالیسیو ته درناوی. 
3. د انساني کرامت  لوړ مقام ته درناوی او متقابل احترام.
4. عدالت، مساوات او ځواب وینه.
5. همغږي او ګډ کار ته ژمنتیا.
6. د زده کړیالانو د پټو استعدانو پنځونه او د هغوی فکري روزنه.

آسانتياوي:

مجهز ټولګي، خوندي چاپيريال، د بريښنا منظم سيسټم، پاکي اوبه، همدانګه سپورټ او وسايل يې.

فعالیتونه:

1. عصري تعلیمي میتودونه او نوی نصاب.
2. د باکیفیته څیړنو خدمتونه.
3. د نورو پوهنځیو او ادارو سره  همغږي او همکاري.
4. د علمي پروګرامونو د ظرفیت لوړول.
5. علمي سیمینارونه، کنفرانسونه او ورکشاپونه دایرول.
6. د مختلفو اکاډمیکو فعالیتونو ترسره کول.

 

څانګې:

1. بيولوژي څانګه
2. کيميا څانګه
3. رياضي څانګه
4. فزيک څانګه

 

د ښوونې او روزنې پوهنځي غونډې:

د ښوونې او روزنې پوهنځي د ترتیب شوي  مهال ويش  له مخې  په مياشت کې يو ځل د استادانو سره غونډه، د بيلابيلو کميټوغونډي او هم د اړتيا له مخې فوق العاده غونډي لري، چې د اړونده موضوعاتو په اړه  هر اړخيز بحث صورت نيسي او  اړین  تصميمونه پکښي نيول کيږي.

 

تدريسي فعاليت او د نورو پوهنځيو او څانګو سره مرسته:

د ښوونې او روزنې پوهنځي تدريسي بهير د نصاب سره سم  په  نظري او په پروجیکتور باندي پر مخ وړل کيږي. د عملي کارونو لپاره  لابراتوار تر اوسه شتون نلری، چې استادان د آزمايښتونو د سرته رسولو په موخه محصلين بوخت وساتي. د ښوونې او روزنې پوهنځي استادان ټوله په تفاهم او همکارۍ سره د اړوند څانګو مضامینو تدریس مخته وړي او ځيني وخت د اړتيا په صورت کې د کرهڼي او اقتصاد پوهنځيو سره هم تدریسي همکاري کوي.

 

علمي فعاليتونه او د ظرفيت لوړول:

د ښوونې او روزني پوهنځې زیاتره استادان  د درسي بهير ترڅنګ  د څيړنو،  تالیفاتو  په سرته رسولو هم مصروف  دي تر څو په ورسپارل شوو برخو کې څيړنې او تاليفات وکړي، چې دغه کړني د ټولنې پرمختګ کې ستر رول لري. چې اوس مهال د ښوونې او روزنې پوهنځي استادان په نړيوالو ژورنالو کې يو شمير مقالي هم خپري کړي دي. د ښوونې او روزنې پوهنځي زیاترو استادانو په بهرنيو هيوادونوو لکه: ایران، هندوستان، روسیه او نورو هیوادونو کې خپلې زده کړې بشپړي کړي او بېرته د خدمت په موخه راستون شوي دي او څو تنه نور يې برحاله په چين کې د ماسټري په زده کړو بوخت او همدارنګه نور استادان يې د هيواد په داخل او بهرنيو هيوادونو کې د ماسټري او دوکتورا د زده کړو په موخه د روانیدو په حالت کې دي. 

 

د ورکشاپونو، کنفرانسونو او سمينارونو دايرول:

د ښوونې او روزنې پوهنځي استادان په منظم ډول کنفرانسونه، ورکشاپونه او سمينارونه ترتيبوي، چې د پوهنځي داخل او بهر اړوندو علاقه لرونکو ګډونوالو ته وړاندي کیږي. همدارنګه ملي او  ولايتي علمي کنفرانسونو، ورکشاپونو او سمينارونو کې فعاله ونډه لري، خپلي تجربې  له  نورو سره شریکه وي  او هم  د نورو له تجربو څخه ګټه اخلي.

 

د پوهنځي په  بېلابېلو شورا ګانو او کميټو کې ګډون:

د ښوونې او روزنې پوهنځي استادان د میرویس خان نیکه زابل د لوړو زده کړو مؤسسې او پوهنځي په  کچه  ټولو کميټو کې  فعال ګډون لري.

 

د استادانو علمي فعالیتونه:

د ښوونې او روزنې پوهنځي استادان د لکچر نوټونو، درسي کتابونو او ممد درسي کتابونو په ترتیبولو او تیارولو کې تل هڅي کوي؛ څېړنې سرته رسوي او د هغوي راپور د مقالو په بڼه خپروي. چې له مجموعي يې د کيميا څانګې استاد پوهنیار بشیرالله دانش یار دوي مقالي په نړيوالو ژورنالونو کې خپري کړي دي. سره له دي ګڼ شمير استادان د څیړنو په تر سره کول او د پاته څيړنو د چاپ په پروسي باندي بوخت دي.

 

محصلينو فعاليتونه:

د ښوونې او روزنې پوهنځي محصلين هر کال د تدريس زده کړي مضمون لرلو لپاره د عملي زده کړو په موخه مختلفو لیسو ته معرفی شوي/کيږي.

 

تدریسي او اداري آسانتياوي:

ښوونې او روزنې پوهنځي د محصلينو د تدريس لپاره څو درسي خونې لري چې ټولو خونو کې د تدريس لپاره د سپينو تختو سربيره LCD او پروجکټورونه لري چې استادن ورڅخه د تدریس په موخه ګټه تري اخلي. د پوهنځي د رئیس، مرستيال، استادانو او اداري کارمندانو لپاره  بیلابیلي شعبي موجودي دي چې د دفتر  په حيث ورڅخه ټول ګټه اخلي.

 

 

 

د محصلینو شمير:

د  ښوونې او روزنې پوهنځي کې فعلاً مجموعاً  ۴۵۷ تنه محصلین په زده کړو بوخت دي، دغو محصلینو ته د ۱۷  تنو استادانو له لوري د تدریس چارې پر مخ وړل کیږي، چې تر دې مهاله یې دوه دورې فارغین چې د ۱۹۰ تنه کېدل ټولنې ته وړاندي کړي دي. چې عمومي د محصلينو احصائيه په لاندي جدول کې ‌ذکر شوي ده.

شميره	کال	نارینه	ښځينه	مجموعه
۱	۱۳۹۶	۱۱۹	۴	۱۲۳
۲	۱۳۹۷	۲۰۷	۷	۲۱۴
۳	۱۳۹۸	۳۶۹	۵	۳۷۴
۴	۱۳۹۹	۴۱۶	۹	۴۲۵
۵	۱۴۰۰	۴۳۴	۲۳	۴۵۷