د انفرادي عملیاتي او د تدریس د ښه والي پلانونو تر سرلیک لاندي سمینار وړاندي شو.
پرون سه شنبه، د میرویس خان نیکه زابل د لوړو زده کړو مؤسسې د مسلکي پرمختیايي مرکز په کنفرانس خونه کې، د مسلکي پرمختیایي آمریت له لورې، د انفرادي عملیاتي او د تدریس د ښه والي پلانونو تر سرلیک لاندي یو ورځنی سمینار د یادې مؤسسې استادانو ته وړاندي شو.
سمینار د قرآن عظیم الشان د مبارکو آیاتونو په تلاوت کولو سره پیل شو. وروسته د میرویس خان نیکه زابل د لوړو زده کړو مؤسسې د مسلکي پرمختیایي مرکز د بورډ د غړيو پوهنیار بشیرالله دانشیار او نوماند پوهنیار مولوي حفیظ الله سعید له لورې یاد سمینار وړاندي شو. په یاد سمینار کې د ذکر شویو پلانونو د پيژندنې، د هغوی د اجزاءوو د تشریح کولو، اړتیاوو او د هغوی تر منځ د عمده توپیرونو په هکله د معلوماتو ورکولو سربیره د پلانونو نمونې د برخوالو سره شریک شول.
په پای کې د استادانو پوښتنو ته ځوابونه ورکړل شول او سمینار د دعا په ویلو سره پای ته ورسید.
