د مؤسسې د محصلینو سره د همغږۍ غونډه تر سره شوه.
نن شنبه، د میرویس خان نیکه زابل د لوړو زده کړو مؤسسې د غونډو په عمومي تالار کې د میرویس خان نیکه زابل د لوړو زده کړو مؤسسې د محصلینو سره د همغږۍ غونډه په داسي حال کې ترسره شوه، چې په مهال یې د میرویس خان نیکه زابل د لوړو زده کړو مؤسسې رئیس الحاج روح الله مشال او یو شمیر استادانو ګډون درلود.
غونډه د قرانکریم د څو مبارکو آیاتونو په تلاوت سره پیل شوه او وروسته د میرویس خان نیکه زابل د لوړو زده کړو مؤسسې رئیس الحاج روح الله مشال و محصلینو ته خپله وینا واوروله او د وینا پرمهال یې وویل: موږ او تاسو ټول په دې باندي مکلف یو چې د خپلو آمرینو اطاعت وکړو او د هغوی له لوري را سپارل شوي مسؤلیتونو په پوره ایمانداري سره مخته بوځو.
ورپسي الحاج روح الله مشال و محصلینو ته ځیني اصلاحي سپارښتني وکړي، چې په یادو سپارښتنو کې د خپل سیرت او صورت د رسول الله (صلی الله علیه وسلم) پر طریقه برابرول، په خپل اړوند برخه او مسلک کې ډیر کار کول او د عصري علم ترڅنګ دیني علم ته توجو کول شاملي وي.
د غونډي په پای کې الحاج روح الله مشال، استادانو او محصلینو د ۱۴۰۳ هــ.ش کال د فاریغینو لپاره د غونډي پر ترتیب او تنظیم باندي بحث وکړ او وروسته غونډه د دُعا په ویلو سره پای ته ورسیده.
