د پلان جوړونې او راپور ورکوونې اړوند سمینار وړاندي شو
نن ورځ سه شنبه، د میرویس خان نیکه زابل د لوړو زده کړو مؤسسې د مسلکي پرمختیایي مرکز په کنفرانس خونه کې د کیفیت لوړاوي عمومي کمیټې له لوري د پوهنځیو رئیسانو، د څانګو آمرینو، د کمیټو منشیانو او ټولو اداري کارمندانو ته د پلان جوړونې او راپور ورکونې اړوند سمینار ورکړل شو.
سمینار د قرانکریم د څو مبارکو آیاتونو په تلاوت سره پیل شو، وروسته د اقتصاد پوهنځی رئیس نوماند پوهنیار احسان الله سعد له لوري د سمینار لومړۍ برخه چې پلان، د پلان ډولونه، د پلان برخې او د پلان جوړول شامل وو وړاندي شو.
ورپسي د کیفیت لوړاوي امریت آمر نوماند پوهنیار روزی محمد اکبري د سمینار دوهمه برخه وړاندي کړه، چې په کې راپور، د راپور مهمې برخې او د راپور لیکلو جدول اړوند موضوعات وړاندي شول.
د ګډونوالو پوښتنو ته تر ځواب ویلو وروسته سمینار د دعا په ویلو سره پای ته ورسید.
