د پسرلني سمستر وروستۍ ازموینې پای ته ورسېدې
د پسرلني سمستر وروستۍ ازموینې پای ته ورسېدې
د میرویس خان نیکه زابل د لوړو زده کړو مؤسسې د ۱۴۰۴هـ ش کال د پسرلني سمستر وروستۍ ازموینې د لوړو زده کړو وزارت د هدایت او د یادې مؤسسې د پلان له مخې پای ته ورسېدې.
یادې ازموینې چې د ۱۴۰۴هـ ش کال د سرطان میاشتې په ۱۴نېټه پیل شوې وې، د مؤسسې د رهبري، استادانو او اداري کارمندانو په ګډه همکاري سره پای ته ورسېدې.
د ازموینو پر مهال د مؤسسې رهبري، استادانو او د ازموینو کمیټې د شفافیت، نظم او د معیارونو د رعایت کولو لپاره په وخت سره خپلي هڅې ترسره کړې.
د یادونې وړ ده چې په دې سره د ۱۴۰۳ هــ ش تحصیلي کال پای ته ورسېدی او د ۱۴۰۴هـ ش کال لومړنی طاق سمستر به د اسد میاشتې په ۱۱مه نېټه پیل شي.
نېټه: ۱۴۰۴/۵/۹
د نشراتو، اړیکو او عامه پوهاوي عمومي مدیریت.
