د علماء کرامو او فاضلانو د عاليه او عالمیه دورو ازموینې پیل شوې!
د علماء کرامو او فاضلانو د عاليه او عالمیه دورو ازموینې نن شنبه د ولايت مقام د استازي، د میرویس خان نیکه پوهنتون، علماوو شورا، جهادي جامعې او پوهنې د رئيسانو او مديره هيئت په شتون کې رسما پیل شوې.
ټاکل شوې چې یادې ازموینې به د لوړو زدهکړو وزارت د لایحې مطابق د هېواد په ټولو ولایتونو کې ترسره شي او د میرویس خان نیکه پوهنتون هم د نورو تحصیلي مرکزونو په ډول دغه بهیر عملي کړی دی.
د ازموینې د پیل په مراسمو کې مسؤلینو د عالیې او عالمیې دورو د ازموینې ګډونوالو علماء کرامو ته په ازموینو کې د بشپړ شفافیت ډاډ ورکړ او له برخوالو علماء کرامو او فاضلانو څخه یې هم په ازموینو کې د ټولو اصولو او مقرراتو د بشپړو عملي کولو غوښته وکړه.
نېټه: شنبه ۱۴۰۴/۹/۶
د نشراتو او عامه پوهاوي عمومي مدیریت.
