استادانو او اداري کارمندانو ته په بیت المال کې خیانت تر عنوان لاندې سمینار وړاندې شو
نن چهار شنبه چې د 1404/4/25نیټې سره برابره ده، د میرویس خان نیکه زابل د لوړو مؤسسې استادانو او اداري کارمندانو ته (په بیت المال کې خیانت) تر عنوان لاندې سمینار وړاندې شو.
یاد سمینار چې د امربالمعروف د قانون د تنفیذ کمېټې د پریکړي لمخې ترتیب شوی و، د دعوت او ارشاد د مؤذن او مبلغ مولوي محمد اسحاق مجاهد له لورې وړاندې شو.
لومړی سمینار د قرآن کریم په تلاوت سره پیل او ورپسې مولوي محمد اسحاق مجاهد خپل ترتیب کړی سمینار ګډونوالو ته وړاندې کړ.
نوموړي د سمینار په تشریح کې د قرآن کریم او احادیثو له نظره د بیت المال سره د خیانت حرمت بیان کړ، او یادونه یې وکړه چې هر ډول اختلاس، ناسم مصرف، او بې ځایه ګټه اخیستنه ناروا عمل او د ملت د حقونو تر پښو لاندې کول دي ، همدارنګه یې د خیانت ډولونه هم د سمینار ګډونوالو ته وړاندې کړل.
وروسته یاد سمنیار د دعا په ویلو سره پای ته ورسېدی.
د نشراتو، اړیکو او عامه پوهاوي مدیریت.
