میرویس خان نیکه زابل د لوړو زده کړو مؤسسې او دایکندي د لوړو زده کړو مؤسسې ترمنځ د دوه اړخیزو همکاریو هوکړه لیک لاسلیک شو
نن چهارشنبه د ۱۴۴۵/۷/۱۹ هــ ق کال د میرویس خان نیکه زابل د لوړو زده کړو مؤسسې رئیس الحاج روح الله مشال او دایکندي د لوړو زده کړو مؤسسې رئیس انجینر محمد ناصر نیکزاد تر منځ ياد هوکړه لیک په داسي حال کې لاسلیک شو چي پر مهال يې د میرویس خان نیکه زابل د لوړو زده کړو مؤسسې علمي او محصلانوچارو معاؤن بهاؤالحق اعزام، د انسټو پوهنتون مالي او اداري معاؤن عبدالعزیز آماني او د میرویس خان نیکه د لوړو زده کړو خصوصی مؤسسي استاد عبدالقادر تکین شتون درلودي.
میرویس خان نیکه زابل د لوړو زده کړو مؤسسې رئیس روح الله مشال د دایکندي د لوړو زده کړو مؤسسې رئیس انجینر محمد ناصر نیکزاد ته ښه راغلاست ووايه او ياد هوکړه لیک يې د دواړو تحصيلي بنسټونو له پاره ارزښتمن وباله او وئې ویل چې موږ د دایکندي د لوړو زده کړو مؤسسې سره په هره برخه کې همکاره يو همدارنګه یې زیاته کړه چې زموږ او ستاسو هدف او مقصد یو دي او په ګډه به د لوړو زده کړو د پیاوړتیا لپاره کار کوو.
د دایکندي د لوړو زده کړو مؤسسې رئیس انجینر محمد ناصر نیکزاد بیا دیاد هوکړه لید په لاسلیک کیدو خوښي وښوده او هیله مندوو چي دا هوکړه لیک به د زابل او دایکندي د لوړو زده کړو مؤسسو ترمنځ د اړیکو او همکاريو د پیاوړتیا سبب شي.
د یاد هوکړه لیک په مرسته به د دواړو مؤسسو ریاستونه هڅه کوي ترڅو د څېړنې، سمینارونو، پلان جوړولو، ظرفیت لوړونې، او ځینو نورو برخو کې یو له بل سره همکاري وکړي او له شته آسانتیاوو او فرصتونو څخه به د یو او بل په ګټه کار واخلی.
