میرویس خان نیکه زابل د لوړو زده کړو مؤسسه ویاړي چې د تضمین کیفیت لومړي پړاوو اعتبار یې ترلاسه کړ
میرویس خان نیکه زابل د لوړ زده کړو مؤسسې په خپل لنډ علمي مزل کې د تضمین کیفیت له دریو مرحلو څخه لومړۍ مرحله ترلاسه او د یادې مرحلې اکاډمیک اعتبار يې حاصل کړ.
د لوړو زده کړو وزارت د تضمین کیفیت محترم ریاست په چوکاټ کې د «بازنګر هیئت» ارزونکو له لورې د اعتبار اخیستلو لومړۍ مرحلې لپاره میرویس خان نیکه زابل د لوړو زده کړو موسسې ارزونه د ۱۴۰۲ کال د مرغومې میاشتې له «۲۳» نیټې څخه د دې میاشتې تر «۳۰» نیټې پورې ترسره شوه.
په دې ارزونه کې د تضمین کیفیت د ۱۱ اصلي او ۴۹ فرعي معیارونو اړوند اسناد او موارد و ارزول شول.
چې په ترڅ کې یې میرویس خان نیکه زابل د لوړو زده کړو مؤسسې د ارزونې پایله د ۱۴۰۲ کال د سلواغې میاشتې ۲۹مه نېټه د لوړو زده کړو وزارت د تضمین کیفیت ریاست له لورې د کابل ښوونې او روزنې پوهنتون دغونډو په تالار کې د مؤسسې رهبري ته په مبارکي او ستاینلیک ورکولو سره اعلان شوه.
میرویس خان نیکه زابل دلوړو زده کړو مؤسسه ویاړي چې یو له هغو دریو لوړو زده کړو بنسټونو څخه وه چې د ټول هیواد په کچه یې په دي پروسو کې تر ټولو زیاتې نمبرې وړې وې.
د مؤسسې رهبري د ټولو کادري، اداري غړیو او په ځانګړي ډول د علمي چارو مرستیال، تضمین کیفیت آمر او د دې پروسې کاري ډلې څخه مننه او د هڅو ستاینه یې کوي چې د دوی ستړیو په مټ دا تحصیلي بنسټ له اکاډمیک اعتبار څخه برخمن شو.
