· Shared with Public د ارزګان د لوړو زده کړو مؤسسې سره د ګډو همکاریو هوکړه لیک لاسلیک شو
پرون یکشنبه د میرویس خان نیکه زابل د لوړو زده کړو مؤسسې او ارزګان د لوړو زده کړو مؤسسې ترمنځ د ګډو همکاریو هوکړه لیک د میرویس خان نیکه زابل د لوړو زده کړو مؤسسې د مسلکي پرمختیايي مرکز په کنفرانس خونه کې په داسي حال کې لاسلیک شو، چې پرمهال یې د میرویس خان نیکه زابل د لوړو زده کړو مؤسسې رئیس روح الله مشال، د علمي او محصلانو چارو مرستیال بهاؤالحق عزام، د اداري او مالي چارو نوي مرستیال رحمت الله ریحان، د پوهنځیو رئیسان، استادان، اداري کارکونکي او د ارزګان د لوړو زده کړو مؤسسې رئیس مولوی رحمت الله رحماني، د علمي او محصلانو چارو مرستیال پوهنمل رازمحمد ستوری شتون درلود.
مجلس د کلام الله مبارکو آیاتونو په تلاوت پیل شو، د د میرویس خان نیکه زابل د لوړو زده کړو مؤسسې رئیس روح الله مشال پیلیزه وینا وکړه، د ارزګان د لوړو زده کړو مؤسسې رئیس ته یې ښه راغلاست ووایه، د هوکړه لیکونو پر اهمیت یې مهمي خبري وکړې او د متقابلو همکاریو هیله یې څرګنده کړه.
د ارزګان لوړو زده کړو مؤسسې رئیس ښاغلي مولوی رحمت الله رحماني له میرویس خان نیکه زابل د لوړو زده کړو مؤسسې سره د هوکړه لیک په لاسلیک کېدو خوښي څرګنده کړه، د ارزګان لوړو زده کړو مؤسسې په تړاو یې معلومات له ګډونوالو سره شریک کړل او وې ویل چې دا د دواړو مؤسسو لپاره یو ښه فرصت دئ چي د یو او بل د استعدادونو او ظرفیتونو څخه استفاده وکړو.
وروسته د ارزګان لوړو زده کړو مؤسسې د علمي چارو مرستیال ښاغلي پوهنمل رازمحمد ستوری د ګډو همکاریو هوکړه لیک و ګډنوالو ته تر لوست وروسته داروزګان مؤسسې، پوهنځيو، خدمتي مرکزونو، وروستیو لاسته راوړنو، د کیفیت لوړاوي په برخه کي د پرمختګونو او امکاناتو په تړاو معلومات ورکړل او د هر ډول علمي همکاریو ډاډ یې ورکړ.
ورپسې د رهبري هیئت په حضور کي د دواړو لوړو زده کړو مؤسسو د رئیسانو له خوا د هوکړه لیکونو ترتیب سوې طرحه لاسلیک سوه او مجلس د دعاء په ویلو سره پای ته ورسېد.
