په ميرویس خان نیکه زابل دلوړو زدکړو مؤسسه کښې د علمای کرامو د عالیه او خامسه درجو ازموینه نن واخیستل شوه
زابل ولایت کې د علمای کرامو دعالیه او خامسه ازموینه نن جمعه ۱۴۴۵/۷/۲۸هــ ق په داسي حال کې واخیستل شوه، چي د پيل پر مهال يې دزابل ولايت د پوهني رئیس، د ازموینې ملی اداري څخه راغلي محترم پلاوي او دمؤسسې دپوهنځيو رئیسانو، استادانو او اداري کارمندانو شتون درلود.
د پرانیستې په مراسمو کې د دزابل ولايت د پوهني رئیس مولوی ګل ولی متقي وویل، چې دا ازموینه چې د عاليه او خامسه درجو د علمي سویی د تثبیت لپاره اخستل کېږي د هیواد په کچه ازموینه ده، چې د علمای کرامو څخه د دوی د سویې د معلومولو لپاره اخستل کیږی.
همدارنګه د امتحاناتو ملي اداری نماينده رحمت الله محمدی وويل چي د ازموینې پروسه په پوره ډول باندي شفافه او سوالونه یې لاک او مهرد امتحاناتو ملي ادری او دلوړو زده کړو وزارت پلاوي له لوري څخه راوړل شوي او ازموینه به یې هم په شفاف ډول باندي اخستل کېږي او د ازموینې له ټولو ګډونوالو څخه یې غوښتنه وکړه، چې یو او بل ته له نقل ورکولو څخه ځان وساتئ او پرچۍ مو د خپل استعداد او محنت له مخې حل کړئ.
ياده ازموينه د امتحاناتو دملي اداری دپلان سره سم چي تیره ورځ يې بایومتریک تر سره شوی وو او نن يې ازموينه واخیستل شوه.
