(نرد یا چکه څه شی ده؟) په نامه بروشرونه چاپ او نشر شول
میرویس خان نیکه زابل د لوړو زده کړو مؤسسه د خپل لیرلید او رسالت له مخې د محصلینو د دینې پوهاوي او علمي سویې د لوړاوي لپاره یو ژمنه اداره ده. همدې موخې ته د رسیدو په پار، نن چهار شنبه د محصلینو د دینې او علمي سویې د لوړاوي لپاره د نرد(چکې) اړوند ترسره شوې څیړنې لنډیز د بروشر په شکل چاپ او محصلینو ته وویشل شو.
یاده څیړنه چې د میرویس خان نیکه زابل د لوړو زده کړو مؤسسې د شرعیاتو پوهنځی یو تن استاد او د نشراتو او فرهنګي چارو کمیټې غړي نوماند پوهنیار مفتي ضیاؤالحق حماد له لوري ترسره شوې وه، چې د نرد (چکې) پیژندنې، تاریخ او حکم اړوند معلومات راټول شوي وو.
