میرویس خان نیکه زابل د لوړو زده کړو مؤسسه کې په ازموینو کې د محصلینو د اضطراب(انديښنو) اړوند سمینار وړاندي شو
نن شنبه ۱۴۰۲/۱۲/۲۶ نېټه د میرویس خان نیکه زابل د لوړو زده کړو مؤسسې د غوڼدو په تالار کښې د يادې مؤسسې و محصلینو ته د (د محصلینو د خدماتو د همغږۍ) کمیټې له لوري په ازموينو کښې د اضطراب(انديښنې) تر سرلیک لاندی یو ورځنی سمینار وړاندي شو.
د ازموينې پر مهال د محصل تر فشار لاندی راتګ، د ازموینې پر مهال ويره او د ازموینې اړوند انديښنې هغه موارد وه، چې په ياد سمینار کې پرې معلومات او حل لاری د محصلینو سره شریک شول.
د يادونې وړ ده چې د همدغې کميټې له لوری به د اړتیا پر وخت و محصلینو ته په مختلفو تحصیلي، رواني، سپورتي او تحقیق سره د اشنایي په برخو کې همداسي نور سمینارونه هم وړاندی شي.
