د Google Drive اړوند سمینار وړاندي شو.
نن ورځ چهار شنبه د میرویس خان نیکه زابل د لوړو زده کړو مؤسسې د ټیکنالوژۍ مدیریت په کمپیوټر لیب کې د بریښنایي زده کړو د کمیټې له لورې د یادې کمیټې و غړو او د مؤسسې و استادانو ته د ګوګل ډرایف یو ورځنی سمینار وړاندی شو.
یاد سمینار د بریښنایي زده کړو کمیټې آمر نوماند پوهنیار محمد اسماعیل سایل له لورې وړاندي شو، چې په کښې و ګډونوالو ته د ګوګل ډرایف اړوند اساسي معلومات، استعمال او په تعلیمي برخه کې یې اهمیت باندي معلومات ورکړل.
هېره دي نه وي چې په نژدې راتلونکي کې د بریښنایې زده کړو کمیټې له لورې د مؤسسې استادانو، اداري کارکونکو ته ځینې نور سمینارونه هم په نظر کې نیول شوي دي.
