د ۱۴۰۳هــ.ش کال د خزاني سمستر وروستۍ ازموینې پیل شوي
نن پنج شنبه، د میرویس خان نیکه زابل د لوړو زده کړو مؤسسې، د څلورو واړو پوهنځیو، د ۱۴۰۳هــ.ش کال د خزاني سمستر وروستۍ ازموینې، د لوړو زده کړو وزارت د پریکړي مطابق ۱۴۰۳/۹/۱۵هــ.ش نیټه باندي پیل شوي.
د ازموینو په پیل غونډه کې، چې د مؤسسې رئیس، علمي او محصلانو چارو مرستیال او د پوهنځیو رئیسانو په کې برخه اخسیتي وه، د علمي او محصلانو چارو مرستیال محصلینو ته د ازموینو په شفافیت او په خپلو درسونو کې د کوښښ کولو وویل.
یادې ازموینې چې د ۱۴۰۳ کال خزاني سمستر نهائي ازموینې دي، تر درو اونیو به دوام وکړي او د ازموینو کمیټې له لوري به د یادو ازموینو بهیر، د شفافیت او نظارت په موخه وخت پر وخت څارل کیږي.
د یادونې وړه ده، چې همدارنګه د یادي غونډې په مهال، د میرویس خان نیکه زابل د لوړو زده کړو مؤسسې رهبري، یو لړ هغه محصلین، چې د کندهار پوهنتون د عامه اداري او پاليسي پوهنځی له لوري، د پاليسي د طرحي جوړولو په سیالۍ کې یې برخه اخیستې وه، د ځینو جوایزو په ورکولو سره تقدیر کړل.
