د کندز پوهنتون محصلانو د خپل علمي سیر په لړ کې د میرویس خان نیکه زابل د لوړو زده کړو مؤسسې څخه لیدنه وکړه.
نن ورځ دوشنبه، د کندز پوهنتون د محصلانو چارو مرستیال ښاغلی پوهنیار ضیاءالدین سیرت په مشرۍ او لارښوونه، د محصلانو خدمتونو د انسجام آمریت په همکارۍ، د ځینو پوهنځیو رئیسانو، دیپارټمنټونو آمرینو، استادانو، د دعوت او ارشاد آمر او دبېلابېلو پوهنځیو محصلانو په ګډون د میرویس خان نیکه زابل د لوړو زده کړو مؤسسې له علمي او اداري برخو څخه لیدنه وکړه.
یاده لیدنه په داسي حال کې وشوه چې د میرویس خان نیکه زابل د لوړو زده کړو مؤسسې علمي او محصلانو چارو مرستیال او د پوهنځیو رئیسانو حضور درلود. د میرویس خان نیکه زابل د لوړو زده کړو مؤسسې رهبرۍ غړو په خپلو خبرو کې راغلو میلمنو ته ښه راغلاست ووایه، د علمي سفرونو په ارزښت یې خبرې وکړې او دغه چاره یې د محصلینو په روزنه کې ګټوره وبلله او وروسته د کندز پوهنتون محصلینو سره راغلو لارښود استادانو او نورو غړو د میرویس خان نیکه زابل د لوړو زده کړو مؤسسې له رهبري مننه وکړه، چې د دوی محصلینو ته یې د میرویس خان نیکه زابل د لوړو زده کړو مؤسسې څخه د لیدنې زمینه برابره کړه.
