د میرویس خان نیکه زابل د لوړو زده کړو مؤسسې او ننګرهار پوهنتون ترمنځ د ګډو دوه اړخیزه همکاریو هوکړه لیک لاسلیک شو
نن ورځ سه شنبه په ۲مه/د شعبان المعظم/۱۴۴۵ هـ.ق کال د میرویس خان نیکه زابل د لوړو زده کړو مؤسسې او ننګرهار پوهنتون ریاست ترمنځ د ګډو دوه اړخیزه همکاریو هوکړه لیک په داسي حال کې لاسلیک شو، چې په مهال یې د میرویس خان نیکه زابل د لوړو زده کړو مؤسسې او ننګرهار پوهنتون رئیس صاحبانو او د دواړو تحصیلي بنسټونو د علمي چار مرستیالانو په ګډون د دواړو ادارو کارکوونکو هم شتون درلود.
د یاد هوکړه لیک له مخي به دواړه ریاستونه هڅه کوي، ترڅو د څېړنې، سمینارونو، پلان جوړولو، ظرفیت لوړونې، او ځینو نورو برخو کې یو له بل سره همکاري وکړي او له شته آسانتیاوو او فرصتونو څخه به د یو او بل په ګټه کار اخلي.
