د مونوګراف لیکنې نوي لارښود په اړه سمینار وړاندي شو.
تیره چهار شنبه، د میرویس خان نیکه زابل د لوړو زده کړو مؤسسې د غونډو په عمومي تالار کې د میرویس خان نیکه زابل دلوړو زده کړو مؤسسې د تحقیق او مجلې آمریت له لوري د مونوګراف لیکنې نوی لارښود اړوند سمینار د یادې مؤسسې و محصلینو ته په داسي حال کې وړاندي شو، چې په مهال یې د علمي او محصلانو چارو مرستیال نوماند پوهنیار بهاؤالحق عزام، د ښوونې او روزنې پوهنځی رئیس پوهنیار طاوس خان هیوادمل، د تحقیق او مجلې آمر پوهنیار انعام الله عابد او یو شمیر نور استادانو شتون درلود.
د سمینار پیل د قرانکریم د څو مبارکو ایاتونو په تلاوت سره وشو او وروسته د تحقیق او مجلې آمر پوهنیار انعام الله عابد د پیل په وینا کې محصلین د مونوګراف نوی لارښود ارزښت څرګند او په محتوا یې د پوهېدو په اړه زده کړيالان پوره توجه او دقت ته راوبلل او ورپسي د ښوونې او روزنې پوهنځی رئیس پوهنیار طاوس خان هیوادمل د یاد لارښود اهميت او ارزښت او د څېړنې اړوند معلومات یې محصلینو ته وړاندې کړل.
ياد سمینار چې د پوهنیار انعام الله عابد او پوهنیار حکمت الله حقپال له لوري محصلینو ته وړاندي شو، په کې د مونوګراف لارښود شکلي او معنوي جوړښت، معیارونه، لارښوونې او د مونوګراف د نوی لارښود تطبیق باندي معلومات وړاندې شو او د سمینار په پای کې د محصلینو پوښتنو ته ځوابونه وویل شول.
وروسته سمینار د دوعا په ویلو سره پای ته ورسید.
