د ممتازو محصلینو ستاینې او د ژبني کورسونو د فراغت غونډه ترسره شوه

zabu_admin
چهارشنبه ۱۴۰۴/۲/۱۰ - ۱۵:۴۵
AS

نن چهار شنبه، د میرویس خان نیکه زابل د لوړو زده کړو مؤسسې د غونډو په عمومي تالار کې د ممتازو محصلینو د ستاینې او د ژبني کورسونو د فراغت غونډه په داسي حال کې ترسره شوه، چې په مهال یې د میرویس خان نیکه زابل د لوړو زده کړو مؤسسې رئیس الحاج روح الله مشال، مالي او اداري معاون قاري محمدالدین انس، پوهنځیو رئیسانو، څانګو آمرینو، استادانو، کارمندانو او محصلینو شتون درلود.

غونډه د قرآن کریم د څو مبارکو آیاتونو په تلاوت کولو سره پیل شوه، چې ورپسې د مؤسسې رئیس الحاج روح‌الله مشال محصلینو ته وینا وکړه او هغوی یې د زده‌کړو، اخلاقو او مسؤلیتونو په برخه کې وهڅول. وروسته د شرعیاتو پوهنځي رئیس مولوي عبدالصمد سیال خپل ارزښناکه نظریات او مشورې د محصلینو سره شریکې کړې.

غونډې ته د مؤسسې مبلغ مولوي محمد اسحاق مجاهد د "امر بالمعروف او نهی عن المنکر" په اړه یو علمي او ارزښناکه سمینار وړاندې کړ او همداراز د شرعیاتو پوهنځی استاد مولوي سلطان شاه خالد د لمانځه د اقامې اړوند یو دیني معلوماتي سمینار وړاندې کړ، وروسته د ممتازو محصلینو لپاره ستاینلیکونه توزیع شول، او د اقتصاد پوهنځي محصل خالد احمد د بېلګې محصل په توګه ونومول شو.

د غونډې په پای کې د ژبنيو لنډمهاله کورسونو له فارغ شویو محصلینو سره د فراغت اسناد شریک شول، چې دا نوښت د محصلینو د ژبني مهارتونو د پیاوړتیا لپاره یو مهم ګام بلل شوی. غونډه د دعا په ویلو سره پای ته ورسېده.

 

تازه خبرونه

چهارشنبه ۱۴۰۴/۶/۱۹ - ۱۹:۳۵
Background image

اداري کارمندانو ته د الکترونیکي وسایلو څخه په مدیریت کې ګټه اخیستنه تر عنوان لاندې څلور ورځنی ورکشاپ پای ته ورسېد.

 

نن ورځ چهار شنبه چې د 1404/6/19نیټې سره سمون خوري، د میرویس خان نیکه زابل پوهنتون، د مالي او اداري چارو معاونیت د معلوماتي ټکنالوژي عمومي مدیریت له لورې ټولو اداري کارمندانو ته( د. . .

سه‌شنبه ۱۴۰۴/۶/۱۸ - ۱۰:۰
Background image

ستره علمي لاسته راوړنه!

 

میرویس خان نیکه زابل پوهنتون لپاره د کمپیوټر ساینس پوهنځی سره له دوو څانګو منظور شوه.

د یاد پوهنتون رهبري، استادانو او اداري کارمندانو په هڅو د لوړو زده کړو وزارت د علمي بنسټونو د. . .

دوشنبه ۱۴۰۴/۶/۱۷ - ۹:۳۰
Background image

اداري کارمندانو ته د الکترونیکي وسایلو څخه په مدیریت کې ګټه اخیستنه تر عنوان لاندې درې ورځنی ورکشاپ پیل شو.

اداري کارمندانو ته د الکترونیکي وسایلو څخه په مدیریت کې ګټه اخیستنه تر عنوان لاندې درې ورځنی ورکشاپ پیل شو.
نن ورځ یک شنبه چې د 1404/6/16نیټې سره سمون خوري، د میرویس خان نیکه زابل. . .

BACK TO NEWS