د محصلینو له نماینده ګانو سره غونډه ترسره شوه

د علمي او محصلانو چارو مرستیال له لورې د محصلینو له نماینده ګانو سره مجلس ترسره شو.

ناسته د قرانکریم د څو مبارکو ایتونو په تلاوت سره پیل شوه، چې په مهال یې د محصلانو د خدمتونو د همغږۍ مدیر هم شتون درلود، په پیل کې محصلینو ته ښه راغلاست وویل شو، ورپسې د علمي او محصلانو چارو د مرستیال له لورې محصلینو ته یو لړ سپارښتنې وشوې، لکه په درسونو کې کوښښ، د حاضري اهتمام، صورت او سیرت په سنت طریقه برابرولو، هغسې اخلاق په ځانونو کې راوستل چې د اسلام او زموږ د ټولنې تقاضا وي او په هغه تدریسي حلقاتو او سیالیو کې ګډون کول چې د عقیدې، فکر او اخلاقو د اصلاح په مورد نیول کېږي، د مجلس په وروستیو کې د محصلینو ستونزې او غوښتنې شریکې شوې او د حل ډاډ یې ورکړل سو.

غونډه د دعا په ویلو سره پایته ورسېده