د علمي شورا غونډه ترسره شوه
د میرویس خان نیکه زابل د لوړو زده کړو مؤسسې د مسلکي پرمختیایي مرکز په کنفرانس خونه کې د علمي شورا ناسته د مؤسسې د رئیس الحاج روح الله مشال، د علمي او محصلانو چارو مرستیال، د پوهنځیو رئیسانو، د څانګو آمرینواو نورو آمرینو په حضور کې ترسره شوه.
غونډه د قرانکریم د څو مبارکو آیاتونو په تلاوت سره پیل او وروسته د علمي او محصلانو چارو مرستیال په پیلیزه ویناه کې ګډونوالو ته ښه راغلاست ووایه او زیاته یې کړه چې د مسلمانانو ستونزې په تحقیق او څېړنه حل کېدای شي، موږ د تعلیم په ډګر کې له نورې نړۍ ډېر وروسته یو، که هر څوک خپل مسؤلیت ته متوجه شي؛ نو د اسلامي ا.م.ت حالت به ان شاء الله بدلیږي، همدارنګه د میرویس خان نیکه زابل د لوړو زده کړو مؤسسې رئیس الحاج روح الله مشال بیا وویل چې د محصلینو د فکري پوهنې اصلاح ته استادان باید زیاته توجه وکړي.
وروسته د اجنډا مطابق د ۱۴۰۳هـ.ش کال د فعالیتونو او لاسته راوړنو کلني راپورونه، د ۱۴۰۴هــ.ش کال لپاره جوړشوي پلانونه تر کتلو وروسته تائید شول او پریکړه وشوه، چې د محصیلینو د مهارتونو لوړولو په پار به په اداري او کمپیوټري برخو کې د محصلینو لپاره سیمنارونه وړاندې شي او غونډ د دعا په کولو سره پای ته ورسیده.
