د شرعیاتو پوهنځی استاد مفتي محمد اعظم صدیقي د ژباړي اثر "قواعد التفسير" چاپ
د میرویس خان نیکه زابل د لوړو زده کړو مؤسسې د شرعیاتو پوهنځی استاد مفتي محمد اعظم صدیقي یو نوی د ژباړي اثر چې د "قواعد التفسير" په نامه دی، چاپ کړی دی. دغه اثر د اسلامي تفسیر د قواعدو په اړه یو مهم علمي کار دی، چې د دې علم په اړه د لوستونکو پوهه زیاتوي، د دې کتاب چاپول د اسلامي علومو د پراختیا او د محصلانو د علمي معیارونو لوړولو په لور یو مهم ګام دی.
مفتي محمد اعظم صدیقي د دې کتاب په ژباړه کې په خورا دقت او ژورې پوهې سره کار کړی دی. د "قواعد التفسير" کتاب په ځانګړي ډول د هغو کسانو لپاره چې غواړي د قرآن کریم تفسیر او د دې تفسیر قواعد په غوره توګه درک کړي، خورا ګټور دی. د استاد د علمي هڅو او د دیني علومو په برخه کې د داسې اثارو جوړول د اسلامي ټولنې لپاره یو لوی خدمت دی.
د میرویس خان نیکه زابل د لوړو زده کړو مؤسسې د شرعیاتو پوهنځی استاد مفتي محمد اعظم صدیقي ته د دې نوي اثر چاپولو په پار مبارکي وړاندی کوو. دا کتاب نه یوازې د علمي ټولنې لپاره بلکه د دیني پوهانو او محصلانو لپاره یو ګټور او مهم وسیله ده، چې د تفسیر علم ته یې نوې لار هواروي. د استاد صدیقي دغه علمي لاسته راوړنه د ټولنې لپاره یو ستر خدمت دی.
