د اداري کارمندانو سره د همغږۍ ناسته تر سره شوه
نن چهار شنبه، د میرویس خان نیکه زابل د لوړو زده کړو مؤسسې، د کتابتون په عمومي مدیریت کې، د میرویس خان نیکه زابل د لوړو زده کړو مؤسسې رئیس الحاج روح الله مشال او د مالي او اداري چارو مرستیال قاري محمدالدین انس په ګډون د یادي مؤسسې د اداري کارمندانو سره ناسته تر سره شوه.
یاده ناسته د قرانکریم د څو مبارکو آیاتونو په تلاوت سره پیل شوه، ورپسي د میرویس خان نیکه زابل د لوړو زده کړو مؤسسې رئیس الحاج روح الله مشال د ناستې ګډونوالو ته ښه راغلاست ووایه او زیاته یې کړه، موږ او تاسو ټول په دې باندي مکلف یو، چې د خپلو آمرینو اطاعت وکړو او د هغوی له لوري را سپارل شوي مسؤلیتونو په پوره ایمانداري سره مخته بوځو.
وروسته د مالي او اداري چارو مرستیال د ناستې ګډونوالو ته خپله وینا وکړه او د اداري کارمندانو یو لړ ستونزي یې واوریدلي او هغو ته یې د یادو ستونزو پر وخت حل کیدو ژمنه وکړه.
ناسته د دعا په ویلو سره پای ته ورسیده.
