استادانو ته د SPSS  او ډاټا تحليل اړوند درې ورځنی ورکشاپ پيل شو

د میرویس خان نیکه پوهنتون، د څيړنو او علمي مجلې آمريت له پلان سره سم د استادانو د ظرفيت لوړونې په موخه د ډاټا تحليل او SPSS په اړه درې ورځنی ورکشاپ پيل شو

یاد ورکشاپ د قرآنکريم په مبارکو اياتونو سره پيل شو,ورسته د زابل پوهنتون رئيس مفتي وقايت الله وقار حنيفي صاحب ته د پیلزي او پرانستي وينا لپاره بلنه ورکول شوه, وقار صاحب د علم په ارزښت خبري وکړي,د اسلامي ارشاداتو له پلوه يې ظرفيت لوړونه د يو مهم او ارزښت لرونکي اساس په توګه ياده کړه, نوموړي له استادانو وغوښتل چې په داسي برنامو او پروګرامو کې ګډون وکړئ او په خپلو څېړنو سره پوهنتون ته نور هم پرمختګ ور په برخه کړئ، همدارنګه یې په راتلونکي کې يې دداسي لا نورو د ظرفيت لوړني ورکشاپونو د تر سره کولو ډاډ ور کړ , وروسته د اقتصاد پوهنځی استاد نوماند پوهنيار حميدالله مبارز له لورې د ورکشاپ لمړۍ برخه ارايه شوه چې پکښي د څېړنو په تر سره کولو کې د SPSS په پېژندنې,ارزښت او د ډاټا تحليل په عمومي لارو چارو,د معياري پوښتنليک جوړلو او د SPSS اړوند نور مهم موضوعات استادانو ته وړاندې شول او په يادو برخو کې يې د استادانو پوښتنو ته  ځوابونه ورکړل.

 د یاد ورکشاپ لمړۍ ورځ د دعاء په ويلو سره پای ته ورسېده.