د محصلینو له نماینده ګانو سره د همغږۍ غونډه ترسره شوه.
د محصلینو له نماینده ګانو سره د همغږۍ غونډه ترسره شوه.
نن ورځ دوشنبه چې د ۱۴۰۴/۷/۲۱ نیټې سره برابره ده، د میرویس خان نیکه زابل پوهنتون د علمي او محصلانو چارو معاونیت اړوند د محصلینو د خدمتونو او همغږۍ عمومي مدیرالحاج مولوي مطیع الله مجاهد د ټولو ټولګیو محصلینو له نماینده ګانو سره د همغږۍ غونډه ترسره کړه.
لومړی غونډه د قرآن کریم په تلاوت سره پیل او ورپسې د محصلینو د خدمتونو او همغږۍ نوموړي مدیر پیلیزه وینا وړاندې کړه، نوموړي په خپله وینا کې وویل: پوهنتون د محصلینو لپاره د کور حیثیت لري چې هم دوی ته پکي سهولتونه برابر وي او هم محصلین مسؤلیت لري چې د ددې علمي کور ټولو قوانینو ته ژمن پاتې شي په همدې اساس دي ټول نمائینده ګان او محصلین دیني ارزښتونو ته احترام، د فساد او منفي روحیې مخنیوی، د ستونزو شریکول په اصولي ډول، مسؤلیت ته متوجه کېدل، نظم او اخلاقو په ژمن پاتي شي.
همدارنګه نوموړي د وینا په پای کې یادونه وکړه چې زموږ ټولنه یوه اسلامي ټولنه ده او زموږ لپاره لومړیتوب د معنویاتو تقویت دی، په همدې اساس کوشش وکړئ چې صورت او سیرت مو په شریعت برابر شي.
د غونډې په ورستۍ برخه کې د محصلینو نظرونه او غوښتني واورېدل شوې او یاده غونډه د دعا په ویلو سره پای ته ورسېده.
د نشراتو، اړیکو او عامه پوهاوي مدیریت.
