محصلانو ته د څیړنو او علمي ليکنو اړوند دري ورځنی ورکشاپ پيل شو

د ميرويس خان نيکه زابل د لوړو زده کړو مؤسسې د څېړنو او علمي مجلې آمريت د پلان او د لوړو زده کړو وزارت د غوښتنې سره سم، د څېړنو فرعي کمېټو په همغږۍ، محصلانو ته د څېړنو د اصولو، علمي مقالو او مونوګراف ليکني اړوند دري ورځنی ورکشاپ پيل شو.

ياد ورکشاپ چې په لومړۍ ورځ په کې د څېړنې د عنوان ټاکلو، د څېړنې لنډېز(Abstract) او سرېزه(Introduction) ليکلو، په څېړنه کې د تېرو اثارو(Literature Review) د کارونې او ارزښت په اړه محصلانو ته د څېړنې د بورډ غړو او استادانو له لورې معلومات وړاندي شول.

د ورکشاپ لومړۍ ورځ د محصلانو پوښتنو ته په ځواب ورکولو سره پای ته ورسیده، د یادونې وړ ده چې ددې ورکشاپ په پای ته رسیدو سره به محصلان د څېړنو د اصولو سره ښه اشنا سي او د منوګراف ليکنې په برخه کې به يې ستونزي حل شې