د مونوګراف لیکنې د نوي لارښود په تړاو سمینار وړاندي شو.
پرون دو شنبه، د میرویس خان نیکه زابل د لوړو زده کړو مؤسسې د مسلکي پرمختیايي مرکز په کنفرانس خونه کې د څیړنې کمیټې له لوري د لیسانس دورې لپاره د مونوګراف لیکنې د نوي لارښود په هکله سمینار د یادي کمیتې غړو او د مؤسسې نورو استادانو ته وړاندي شو.
لومړي سمینار د قرآن عظیم الشان د مبارکو آیاتونو په تلاوت کولو سره پیل شو، وروسته د میرویس خان نیکه زابل د لوړو زده کړو مؤسسې د څیړنې عمومي کمیټي آمر پوهنیار انعام الله عابد له لوري سمینار وړاندي شو، چې په یاد سمینار کې د لوړو زده کړو وزارت محترم مقام د څیړنې تألیف او ژباړې ریاست له لوري د ترتیب شوی د مونوګراف لارښود ټولي برخي سره له ضمایمو تشریح او د هغه څخه د استفادي په تړاو د ګډونوالو سره معلومات شریک شول.
د سمینار په پاې کې د استادانو پوښتنو ته ځوابونه ورکړل شول او سمینار د دعا په ویلو سره پای ته ورسید.
