د ځان وژنې څخه د ځان ساتلو اړوند سمینار وړاندي شو

نن سه شنبه، د میرویس خان نیکه زابل د لوړو زده کړو مؤسسې، د غونډو په عمومي تالار کې، د محصلانو د خدماتو او انسجام عمومي مدیریت او شرعیاتو پوهنځی اسلامي ثقافت څانګې په ګډو هڅو، د میرویس خان نیکه زابل د لوړو زده کړو مؤسسې محصلانو ته، د اسلام په مقدس دین کې د ژوند ارزښت او د ځان وژنې څخه د ځان ساتلو اړوند سمینار وړاندي شو.

سمینار د قرآن کریم د څو مبارکو آیاتونو په تلاوت سره پیل شو، په سر کې یې د شرعیاتو پوهنځی استاد مولوي نقیب الله خادم الاسلام د سمینار ټولو ګډونوالو ته ښه راغلاست ووایه او وروسته یې د ګډونوالو سره د ځان وژنې اړوند معلومات وړاندي کړل او ویې ویل؛ چې د اسلام په سپېڅلي دین کې ځان وژنه په کلکه منعه او ناروا عمل دی.

ورپسي د اسلام په مقدس دین کې د ژوند ارزښت او د ځان وژني څخه د ځان ساتلو اړوند هر اړخیز بیان وشو، د ګډونوالو پوښتنو ته تر ځوابونو ویلو وروسته سمینار د دعا په ویلو سره پای ته ورسید.