میرویس خان نیکه زابل د لوړو زده کړو مؤسسې د لیلیې ودانۍ څخه لیدنه وشوه.
پرون یکشنبه د میرویس خان نیکه زابل د لوړو زده کړو مؤسسې د لیلیې ودانۍ د چارو څخه په داسي حال کې لیدنه تر سره شوه، چې پر مهال یې د میرویس خان نیکه زابل د لوړو زده کړو مؤسسې رئیس الحاج روح الله مشال، د مؤسسې حفظ المراقبت عمومي مدیر انجینر محمد داود پتیال او د چارو د اداري لوي ریاست د طرح او ډیزاین له ریاست څخه راغلي پلاوي شتون درلود.
د چارو د اداري لوي ریاست د طرح او ډیزاین له ریاست څخه راغلي پلاوي او د ملي پراختیا شرکت د مسؤلینو سره په نږدي ناسته کې د یادې پروژي پر شته ستونزو او د کار پر چټکتیا باندي خبري وشوي. د مرکز څخه د راغلي پلاوي او د ملي پراختیا شرکت مسؤلینو ډاډ ورکړ، چې د دوه اونیو په جریان کې د شته ستونزو حل او د کار په چټکتیا کې به د پام وړتغیرات راشي؛ تر څو د یادې پروژي پاتي چاري په خپل وخت سره پای ته ورسیږي.
