د ميرويس خان نيکه پوهنتون اړوند د «ثالث عمر (رحمه الله) د طبیعي علومو علمي ـ څېړنیزې مجلې» لومړۍ ګڼه په آنلاین ډول نشر سوه

د ميرويس خان نيکه پوهنتون اړوند د «ثالث عمر (رحمه الله) د طبیعي علومو علمي ـ څېړنیزې مجلې» لومړۍ ګڼه په آنلاین ډول نشر سوه
په لومړي ځل د میرویس خان نیکه پوهنتون مجله د (ثالث عمر رحمه الله د طبیعي علومو علمي- څېړنیزې مجلې) په نامه په انلاین بڼه نشر سوه.
په دې ګڼه کې د طبیعي علومو په بېلابېلو برخو کې د پوهنتون د استادانو او څېړونکو علمي ـ څېړنیزې ۱۲ مقالې شاملې دي. د مجلې آنلاین نشر د پوهنتون د علمي او څېړنیزو فعالیتونو د پیاوړتیا او د استادانو د علمي اثارو د خپرولو په برخه کې یو مهم ګام بلل کېږي.
د میرویس خان نیکه پوهنتون -زابل , رهبري د څېړنو او علمي مجلې آمریت هڅې، علمي خدمتونه او د مجلې د برابرولو او آنلاین او چاپي نشر په برخه کې ترسره شوي فعالیتونه ستایي او مننه ترې کوي. همدارنګه د ټولو هغو استادانو او څېړونکو له علمي ونډې څخه مننه کوي چې خپلې علمي مقالې یې د دې مجلې له لارې خپرې کړې دي.
د یادوني وړ ده چې په نیژدې وختونو کې به یاده مجله په چاپي بڼه هم نشر سي.
نېټه:1448/4/13 هـ ق1405/7/4هـ ش
د نشراتو او عامه اړیکو عمومي مدیریت.