د علمي شورا غونډه ترسره شوه
د میرویس خان نیکه زابل د لوړو زده کړو مؤسسې د مسلکي پرمختیایي مرکز په کنفرانس خونه کې د علمي شورا ناسته د مؤسسې د رئیس الحاج روح الله مشال، د علمي او محصلانو چارو مرستیال، د پوهنځیو رئیسانو، د څانګو آمرینواو نورو آمرینو په حضور کې ترسره شوه.
غونډه د قرانکریم د څو مبارکو آیاتونو په تلاوت سره پیل او وروسته د مؤسسې رئیس الحاج روح الله مشال ګډونوالو ته ښه راغلاست ووایه او د اجنډا مطابق په پیلزه کې استادانو ته په خپل مسلک کې د ملي او نړیوالو کنفرانسو لپاره د علمي تحقیق او مقالو لیکلو او د ځان، کورنۍ او ټولنې په اصلاح کولو کې په همکاري ټینګار وکړ.
ورپسي د مؤسسې علمي او محصلانو چارو مرستیال په خپله وینا کې وویل، چې د مؤسسی د نظم او ډیسپلین په خاطر دې د خپل سري کارونو څخه ډډه وشئ او د محصلینو د علمي پرمختک تر څنګ تربیتي برخه هم د استادانو دنده ده، چې باید کار ورباندي وشئ.
وروسته د اجنډا پر پاتې موضوعاتو تر بحث وروسته پریکړي وشوي او غونډ د دعا په کولو سره پای ته ورسیده.