د مینډلي سافټویر تر عنوان لاندې یو ورځنی ورکشاپ استادانو ته وړاندي شو.
نن ورځ دو شنبه چې د ۱۴۰۴/۶/۱۰ سره سمون خوري، د میرویس خان نیکه زابل پوهنتون د مسلکي پرمختیايي مرکز د پلان لمخې د یاد مرکز د بورډ غړي او د کرهڼې پوهنځی استاد پوهنیار حیات الله تکل له لورې د مینډلي سافټویر تر سرلیک لاندې ورکشاپ د پوهنتون ټولو استادانو ته وړاندې شو.
لومړي ورکشاپ د قرآن عظیم الشان په تلاوت سره پیل شو، ورپسې نوموړي استاد د ورکشاپ په پیل کې د ذکر شوي سافټویر پر پیژندنې، ځانګړنو او له همدې پروګرام څخه د څېړنې لپاره د مأخذونو څخه د ګټي اخیستنې په اړه د پوهنتون له استادانو سره معلومات په نظري ډول شریک شول، چې په دوام یې وروسته په مینډلي کې عملاً کار د ګډونوالو لپاره ترسره شو.
د ورکشاپ په پاې کې د ګډونوالو پوښتنو ته ځوابونه ورکړل شول او ورکشاپ د دعا په ویلو سره پاې ته ورسېدی.
د نشراتو، اړیکو او عامه پوهاوي مدیریت.