د “تعلیم العقائد” سیالۍ پایلې اعلان شوې.

د میرویس خان نیکه زابل د لوړو زده کړو مؤسسې د محصلینو د خدمتونو د همغږۍ عمومي مدیریت له لوري د “تعلیم العقائد” په نوم سیالۍ، چې د محصلینو د عقیدوي او اسلامي روزنې په موخه د شا او خوا ۱۲۰ یوسلو شل تنو محصلینو څخه اخیستل شوي وي، پایلې یې د مؤسسې د رئیس، د پوهنځیو رئیسانو، استادانو او محصلینو په ګډون، د یو لړ ځانګړو مراسمو په ترڅ کې اعلان شوې.

یاد مراسم د قرانکریم د څو مبارکو آیاتونو په تلاوت سره پیل شو او په لو مړي سر کې یې د شرعیاتو پوهنځی رئیس مولوي عبدالصمد سیال و محصلینو ته د اسلامي عقیدي اړوند بیان وکړی او ورپسي د میرویس خان نیکه زابل د لوړو زده کړو مؤسسې رئیس په خپله وینا کې وویل: چې دا ډول علمي او فکري سیالۍ د محصلینو په علمي پرمختګ او د اسلامي ارزښتونو په ژوندي ساتلو کې مهم رول لوبوي او ژمنه کوي چې په راتلونکي کې به د دې ډول نورو علمي او فکري پروګرامونو تنظیم ته دوام ورکړي.

یاده سیالۍ چې د محصلینو د اسلامي عقیدې د ژور پوهېدو، تقویت او د محصلینو فکري وړتیا لوړولو په موخه تنظیم شوې وه، په کې د مؤسسې له بېلابېلو پوهنځیو او څانګو څخه ګڼ شمېر محصلینو برخه اخیستې وه او د سیالۍ مخکښ محصلین په یو لړ جوایزو ونازول شول، چې د لومړی مقام ګټوونکي ته کمپیوټر، دوهم مقام ګټوونکي ته یو سیټ مبایل او دریم مقام ګټونونکي ته یو ساعت ورکول شول.

وروسته مراسم د دعا په ویلو سره پای ته ورسیده.