د روان ۱۴۰۲هجري شمسي کال وروستۍ علمي شورا غونډه تر سره شوه

نن شنبه ۱۴۰۲/۱۲/۲۷ نېټه د میرویس خان نیکه زابل د لوړو زده کړو مؤسسې د علمي شورا د کال وروستۍ غونډه په داسی حال کي تر سره شوه، چي پر مهال ئی د میرویس خان نیکه زابل د لوړو زدکړو مؤسسې رئیس الحاج روح الله مشال، علمي او اداری معاونینو، د پوهنځیو رئيسانو او د شورا نورو غړو حضور درلود.

مجلس د قرآن کریم د څو مبارکو آیاتو په تلاوت پیل شو؛ ورپسې د مؤسسې د رئیس الحاج روح الله مشال له لوري د غونډې ګډونوالو ته ښه راغلاست وویل شو او د غونډې اجنډا يې ګډونوالو ته بیان کړه.

وروسته د مجلس د ګډون والو له لوري د اجنډا مطابق پر ځینو مهمو مواردو بحث وشو چي په کښې د ۱۴۰۳ هــ ش کال لپاره مؤسسې د ریاست، علمي معاون، اداری معاون، د پوهنځیو د رئیسانو، امریتونو او مدیریتونو، مالي او تدارکاتي پلانونه او د دندو لائحې دغه راز د ۱۴۰۳ کال کې داستادان دظرفیت لوړونې پلان تائيد شو او هم د مؤسسې د ټولو اصلي کمېټو د دندولایحې او پلانونه تر بحث وروسته تائید او غونډه د دوعا په ویلو سره پای ته ورسیده.