د کرهڼې پوهنځي د څلورم ټولګي د محصلينو د پروپوزلونو د دفاع لړۍ پيل شوه
پرون ورځ شنبه د میروس خان نیکه زابل دلوړو زده کړو مؤسسې د مسلکي پرمختیايي مرکز په کنفرانس خونه کې د څلورم ټولګي د محصلينو د پروپوزلونو د دفاع لړۍ، د څېړنې کمېټې په نوښت، د پیلیزې غونډي په نیولو سره په داسي حال کې پيل شوه، چې پر مهال یې د میرویس خان نیکه زابل دلوړو زده کړو مؤسسې رئیس الحاج روح الله مشال، د کرهڼې پوهنځی رئیس، استادانو او محصلینو حضور درلود.
ياده غونډه د قرآنکريم د څو مبارکو آیاتونو په تلاوت سره پيل شوه، چې په پیلیزه وینا کې یې د ميرويس خان نيکه زابل د لوړو زدکړو مؤسسې رئيس الحاج روح الله مشال په ټولنه کې د څېړنو پر اهمیت خبرې وکړې او محصلين يې خپلو څېړنيزو مسئوليتونو ته متوجې کړل؛ تر څو خپلې څېړنيزې کړنې د څيړنو د اصولو سره سمې ترسره کړي او په حقيقي ډول په مسلکي لحاظ د ټولنې شته ستونزو ته د حل لاره چاره پيدا کړي او همدارنګه یې محصلينو ته د ښه معياري څېړنو د ترسره کولو لارښوونه هم وکړه.
وروسته اووه تنو محصلينو د خپل څيړنيز پروپوزلونو څخه دفاع وکړه چې په اخره کې د څیړنې کمېټې مشر پوهنيار ضياءالاسلام نوبهار او نورو غړو لخوا تر ځینو لارښونو وروسته مثبت ارزيابي او په راتلونکي کې ورته د لوي رب څخه ورته د لابرياوو غوښتنه وکړه.