د مؤسسې رئیس د زابل مرستیال والي سره ولیدل.
نن چهارشنبه د زابل ولایت مقام د مرستیال والي په کاري دفتر کې د ياد ولایت مرستیال والي الحاج مولوی محب الله حماس او د میرویس خان نیکه زابل دلوړو زده کړو مؤسسې رئیس الحاج روح الله مشال په داسی حال کې سره ولیدل، چې پر مهال يې د مؤسسې ځینو رئیسانو او د ولایت ځینو مسؤلینو هم شتون درلود.
ناسته د قرآنکریم د څو مبارکو آیاتونو په تلاوت سره پیل شوه، مرستیال والي الحاج محب الله حماس په سرکښې د مؤسسې رئیس الحاج روح الله مشال او نورو ګډنوالو ته د ښه راغلاست ویلو ترڅنګ د میریس خان نیکه زابل د لوړو زده کړو مؤسسې پرسونل د کارونو څخه ستاینه او خوښی وښوده، د لا نور کار کولو سپارښتني يې وکړي.
وروسته د مؤسسې رئیس الحاج روح الله مشال د مؤسسې ځیني غوښتني او مشکلات بیان کړه، چې په کښې د اداري لپاره نوی تعمیر جوړول، زراعت پوهنځی ته زراعتی فارم جوړول او د مؤسسې لپاره د دوه کیلومتره سړک جوړل شامل وه.
په پای کې د مرستیال والی الحاج محب الله حماس د مؤسسې رئیس ته ډاډ ورکړ چې د مؤسسې د لاښه معیاري کېدلو او مشکلاتو ته د حل په موخه پر وخت رسېده ګي لپاره ستاسو سره هر وخت همکاره یو او وروسته غونډه د دوعا په ویلو سره پای ته ورسېده.