د څیړنې تر عنوان لاندي ۷ ورځنی روزنیز کورس دایر شو

د څیړنې او علمي مجلی آمریت د اوو ۷ ورځو په جریان کې د میرویس خان نیکه زابل دلوړو زده کړو مؤسسې د مسلکي پرمختیایي مرکز په کنفرانس خونه کې د شرعیاتو پوهنځی استادانو ته د څیړنې تر سرلیک لاندي اووه ورځنی روزنیز کورس وړاندي کړ.

یاد روزنیز کورس چې د ۱۴۰۳/۲/۳۰هــ.ل نیټه شروع او د ۱۴۰۳/۳/۶هــ.ل نیټې پوري یې دوام وکړ، د څیړنې او علمي مجلی آمر پوهنیار انعام الله عابد له لوري وړاندي شو. په یاد روزنیز کورس کې د څیړنې پیژندنه، اهمیت، ډولونه، د څیړنې لپاره د عنوان ټاکل، د څیړنې میتودلوژي، تیرو اثارو ته کتنه، د معلوماتو راټولونه، د پروپوزل لیکنه او د ماّخذونو لیکنه هغه موضوعات ول چې په نوموړي کورس کښې یې د ګډونوالو سره معلومات شریک شول.

د یاد روزنیز کورس په وروستې ورځ د ګډونوالو یو لړ پوښتنو ته د ځواب ویلو تر څنګ د هغوی ارزیابي هم وشوه، چې نتیجه یې مثبته وه. هیره دې نه وي چې د څیړنې او علمي مجلی آمریت به د خپل کلني عملیاتي پلان له مخې په نژدې راتلونکې کې ځیني نور روزنیز کورسونه هم ولري.