د پوهنځیو رﺉیسانو، د څانګو آمرینو او استادانو ته د علمي برنامو د کلني څار تر سرلیک لاندې سمینار وړاندې سو 

د پوهنځیو رﺉیسانو، د څانګو آمرینو او استادانو ته د علمي برنامو د کلني څار تر سرلیک لاندې سمینار وړاندې سو 
د کیفیت لوړاوي آمریت او د مسلکي پرمختیایې مرکز په ګډه همکارۍ د پوهنتون د پوهنځیو رئیسانو، د څانګو آمرینو او استادانو ته، د مسلکي پرمختیایې مرکز د غونډو په تلار کې د «علمي برنامو د کلني څار» تر سرلیک لاندې سمینار وړاندې سو.
یاد سمینار د کیفیت لوړاوي آمر نوماند پوهنیار روزي محمد اکبري له لوري وړاندې سو، نوموړي، د سیمینار په ترڅ کې د علمي برنامو د کلني څار مفهوم، موخې، اصول، جوړښت، د کلني راپور د ترتیب څرنګوالی، د شواهدو راټولولو میتودونه او د څار د پایلو څخه د علمي برنامو د اصلاح او پرمختګ په برخه کې د ګټې اخیستنې لارې په تفصیل سره تشریح کړې. 
د سمینار په وړاندې کولو سره ګډونوالو ته  څرګنده سوه چې د علمي برنامو کلنی څار د کیفیت د لوړاوي له اساسي عناصرو څخه دی، چې د تدریس، څېړنې، علمي خدمتونو او اداري فعالیتونو د ارزونې، نیمګړتیاوو د تشخیص او د اصلاحي پلانونو د جوړولو لپاره مهم رول لري. 
د سیمینار په پای کې د ګډونوالو پوښتنو ته ځوابونه ورکړل سول او یاد سمینار پای ته ورسېدی.
نېټه: سه شنبه 1405/4/8
د نشراتو او عامه پوهاوي مدیریت.