مخينه
میرویس خان نیکه زابل دلوړو زده کړو مؤسسه :
ميرویس خان نیکه زابل د لوړو زده کړو مؤسـسې د بنسټ ډبره د وخت د غوښتنوپه پام کې نیولو سره په ۱۳۹۶ هـ ش کال د زابل ولایت مرکز قلات ښـار په (۲) ناحیه، د ولایتي شورا پخوانۍ ودانۍ، مخابراتو ریاست ته څیرمه کې کښېښودل شوه. په لومړي ځل په دغه مؤسسه کې د ښوونې او روزنې پوهنځي د څلورو څانګو (ریاضي، فزیک، بیولوژي او کيمیا) په لرلو سره په فعاليت پیل وکړ، چې بیا وروسته په کال ۱۳۹۸ هـ ش کال کې اقتصاد پوهنځي د ملي اقتصاد او اداره او تجارت څانګو په لرلو او په۱۳۹۸ هـ ش کال د کرهڼې پوهنځي د دوو څانګو مالداري او باغداري په ورکړي سره تأسیس شوي او په ۱۴۰۰ هـ ش کال کې د شرعیات پوهنځي د عالیقدررامیرالمؤمنین شیخ الحدیث هبة الله اخندزاده صاحب حفظه الله د ځانګړي حکم له مخې هم تاسيس شوه چې اوس مهال په دغه مؤسسه کې (۴) څلورپوهنځي فعالیت لري او استادان يې په بيلابیلو څانگو کې تدريس كـوي او خپل علمي فعاليتونه پر مخ وړي، تر دې مهاله په دي مؤسسه کې شاوخوا (۷۹۱) محصلین په زده کړو بوخت دي، او تر دي مهاله يې يوازي د ښوونې او روزنې پوهنځي څخه دوي دورې فارغان چې (۱۹۰) تنه کيږي، ټولنې ته د خدمت په موخه وړاندي کړي دي.