د میرویس خان نیکه زابل پوهنتون محصلینو د هلمند پوهنتون ته علمي سیر ترسره کړ.
د میرویس خان نیکه زابل پوهنتون محصلینو د هلمند پوهنتون ته علمي سیر ترسره کړ.
د میرویس خان نیکه زابل پوهنتون د پوهنځیو رئیسانو، استادانو او د بېلا بېلو پوهنځیو محصلینو د شرعیاتو پوهنځی رئیس په مشري، د علمي سیر په ترڅ کې له هلمند پوهنتون څخه لیدنه وکړه.
د میرویس خان نیکه زابل پوهنتون محصلینو د هلمند پوهنتون له لابراتوار، عمومې کتابتون، تدریسي ټولګیو، د زرعت پوهنځی له باغ وحش او د یاد پوهنتون څخه عمومې لیدنه وکړه، د هلمندپوهنتون استادانو او د یادو مرکزونو مسؤلینو، محصلینو ته ښه راغلاست ووایه، نوموړو مسؤلینو د یاد پوهنتون لابراتوار، کتابتون او د باغ وحش په اړه معلومات له محصلینو سره شریک کړل.
وروسته د علمي سیر یاد ټېم د هلمند ولایت د بُست تاریخي قلعه او د پنبه له فابریکې څخه هم لیدنه وکړه.
د یادونې وړ ده چې دا علمي سیر د پوهنتوني اړیکو پراخولو او محصلینو ته د نورو لوړو زده کړو بنسټونو له نږدې معرفي کولو په هدف ترسره شو.
نېټه: ۱۴۰۴/۵/۲۷
د نشراتو، اړیکو او عامه پوهاوي مدیریت
