د شرعیاتو پوهنځی علمي کادري غړو ته د فعالې زده کړې د میتودونو تر سرلیک لاندي یو ورځنی سمینار وړاندي شو
نن یکشنبه، د میرویس خان نیکه زابل د لوړو زده کړو مؤسسې د مسلکي پرمختیا مرکز په کنفرانس خونه کې د مسلکي پرمختیايي مرکز آمر نوماند پوهنیار عبدالنافع همت له لوري د شرعیاتو پوهنځی علمي کادري غړو ته د فعالې زده کړې د میتودونو تر سرلیک لاندي یو ورځنی سمینار وړاندي شو.
سمینار د قرآن عظیم الشان د څو مبارکو آیاتونو په تلاوت کولو پیل شو، ورپسې د مسلکي پرمختیا مرکز آمر په پیل کې د یاد آمریت له عمده موخو څخه د استادانو لپاره د اوسني عصر سره سم د میتودونو د استعمال لپاره د برنامو د زمینه سازي په اړه خبرې وکړلې.
وروسته سمینار پیل شو چې په محتوا کې یې د فعالې او غیري فعالې زده کړې پر پيژندنې او د هغوی تر منځ پر توپیرونو، د فعالې زده کړې ګټې، په هیواد او نړۍ کې د ترسره شويو څیړنیزو مقالو د نتایجو پر شریکولو او د فعالې زده کړې د غوره میتودونو په اړه معلومات له ګډونوالو سره شریک شول.
په پای کې د ګډونوالو پوښتنو ته ځوابونه ورکړل شول او سمینار د دعا په ویلو سره پای ته ورسید.
