د معتبرو او غیر معتبرو نړیوالو ژورنالونو د پېژندنې او په نړیوالو ژورنالونو کې د مقالو د نشرولو په اړه انلاين ورکشاپ وړاندي شو!
د معتبرو او غیر معتبرو نړیوالو ژورنالونو د پېژندنې او په نړیوالو ژورنالونو کې د مقالو د نشرولو په اړه انلاين ورکشاپ وړاندي شو!
نن دوشنبه چې د ۲۳/۴/۱۴۰۴ نېټې سره سمون خوري د میرویس خان نیکه زابل د لوړو زده کړو مؤسسې د څېړنو او علمي مجلې د آمریت له پلان سره سم د میرویس خان نیکه زابل د لوړو زده کړو مؤسسې ټولو استادانو ته د ننګرهار پوهنتون د وترنري علومو پوهنځی د علمي کادر غړي پوهنمل محمد مليار رحماني چې اوس مهال د چین هیواد په ننجنګ پوهنتون کې د دوکتورا د برنامي محصل دی له خوا انلاین ورکشاپ وړاندې شو.
یاد ورکشاپ د قرآنکریم په تلاوت سره پیل شو،د میرویس خان نیکه زابل د لوړو زده کړو مؤسسې د څېړنو او علمي مجلې آمر پوهنیارحکمت الله حقپال استاد پوهنمل محمد ملیار رحماني ته ښه راغلاست ووایه او له یاد استاد څخه یې مننه وکړه چې په څېړنېزو موضوعاتو کې د هیواد د استادانو سره د خپل احساس له مخي همکاري کوي او استادانو ته د ورکشاپ په دایرولو کې یې له دوی سره همکاري وکړه.
په دې یو ورځني ورکشاپ کې د محترم استاد پوهنمل رحماني له خوا د ورکشاپ لمړی برخه چې ( د معتبرو او غیري معتبرو نړیوالو ژورنالونو پېژندنه ) په اړوند وه، استادانو ته یې د معتبرو او غیري معتبرو ژورنالونو په اړه معلومات وړاندې کړل، له لنډې وفقي ورسته د ورکشاپ دویمه برخه چې ( څنګه په نړیوالو ژورنالونو کې مقاله نشر کړو؟) پیل شوه،په دې برخه کې استادانو ته په نړیوالو ژونالونو ته د مقالو استولو لارې چارې وړاندې شوې چې په لارښوونه یې هر علمي کادر غړی کولای شې په اسانۍ سره خپلې مقالې نړیوالو ژورنالو ته د نشر په موخه ولیږي، ددې برخي په پای کې د ګډونوالو ټولو پوښتنو ته ځوابونه ورکړل شول، د میرویس خان نیکه زابل د لوړو زده کړو مؤسسې استادانو د یاد ورکشاپ څخه خوښي وښوده او د داسې نورو تحقیقي سمینارونو او ورکشاپونو غوښتنه یې وکړه.
وروسته یاد ورکشاپ د دعا په ویلو سره پای ته ورسېد.
د نشراتو، اړیکو او عامه پوهاوي مدیریت.
