د رهبري شورا غونډه ترسره شوه.
د میرویس خان نیکه زابل د لوړو زده کړو په مؤسسه کې د مؤسسې د رهبري شورا غونډه په داسې حال کي وشوه، چې پر مهال ئې د میرویس خان نیکه زابل د لوړو زده کړو مؤسسې رئیس الحاج روح الله مشال، علمي او محصلانو چارو مرستیال نوماند پوهنیار مولوي بهاؤالحق عزام، د پو هنځیو رئیسانو او نورو غړو حضور درلود.
یاده غونډه چې د قرآن عظیم شان د څو مبارکو آیاتونو په تلاوت پیل شوه؛ په سر کې یې د میرویس خان نیکه زابل د لوړو زده کړو مؤسسې د رئیس الحاج روح الله مشال له لوري د غونډې ګډونوالو ته ښه راغلاست وویل شو او د غونډې اجنډا يې ګډونوالو ته بیان کړه.
وروسته د ګډون والو له لورې د اجنډا مطابق پر ځینو مواردو باندې بحث وشو، چې په کې د شرعیاتو پوهنځی د استادانو د علمي سفر، د اداري کارمندانو ظرفیت لوړونه، د معاونیتونو او پوهنځیو نیازمندۍ او داسې نورو موضوعاتو باندې خبرې وشوې.
د غونډي په پای کې د ګډون والو له لوري پر ځينو متفرقه مسائلو باندې بحث وشوو، وروسته غونډه د دعا په ویلو سره پای ته ورسیده.
