د (۱۴۰۳) کال خزاني سمسټر وروستیو ازموینو له جریان څخه نظارت ترسره شو
د میرویس خان نیکه زابل د لوړو زده کړو مؤسسې رئیس، محصلانو چارو مرستیال او د محصلانو چاروعمومي مدیر د ازموینو ښه ترسره کېدلو په پار د مختلفو پوهنځیو د ازموینو له صحنو څخه نظارت تر سره کړ.
د میرویس خان نیکه زابل د لوړو زده کړو مؤسسې رئیس ښاغلي الحاج روح الله مشال، محصلانو چارو مرستیال ښاغلي نوماند پوهنیار بهاؤالحق عزام او د محصلانو چارو عمومي مدیر عبدالحق سبحاني د بېلابېلو پوهنځیو د ازموینو له صحنې څخه له نیږدې لیدنه وکړه او د مؤسسې محصلینو ته یې د شفافیت، امانتدارۍ، نظم او ډسپلین په اړه ډاډ ورکړ؛ همدارنګه د نظارت په جریان کې ټولو استادانو ته د ازموینو اخیستلو اړوند د پوره شفافیت د شتونوالي اړوند اړینې سپارښتنې وکړې، چې استادانو لخوا د پوره روڼتیا او شفافیت اطمینان ورکړل شو.
د یادلو وړ ده چې د میرویس خان نیکه زابل د لوړو زده کړو مؤسسې د (۱۴۰۳) کال خزاني سمستر وروستي ازموینې د پنجشنبې ورځ په پوره شفافیت او ډاډ منه فضاء کې پیل شوي دي.
