ميرويس خان نيکه زابل د لوړو زده کړو مؤسسې د پاليسي د طرحي جوړولو په سيالۍ کې پنځم مقام خپل کړ
د کندهار پوهنتون د عامه اداري او پاليسي پوهنځی له لوري، د پاليسي د طرحي جوړولو سیالۍ په لاره اچول شوې وه، چې د سهيل لويديځ زون څخه د ميرويس خان نيکه زابل د لوړو زده کړو مؤسسې په ګډون (۱۱) امارتي او خصوصي پوهنتونونو/ لوړو زده کړو مؤسسو په کې برخه اخیستې وه، په همدې مناسبت د کندهار پوهنتون د غونډو په عمومي تالار کې د يادي سيالۍ د پايلو او نتايجو لپاره غونډه جوړه شوې وه، چې د پوهنتونونو او د لوړو زده کړو مؤسسو محصلانو پکښې خپلې ترتيب شوې پاليسۍ او طرحي وړاندي کړي.
د میرويس خان نيکه زابل د لوړو زده کړو مؤسسې د محصلانو له لوري « په افغاني ټولنه کې د علمي څېړنو د تطبيق په وړاندي خنډونه او حل لاري چاري» تر عنوان لاندي ترتيب شوي طرحه وړاندي شوه، چې د يادو پوهنتونونو او لوړو زده کړو مؤسسو په منځ کې يې (۵) مقام خپل کړ.
ميرويس خان نيکه زابل د لوړو زده کړو مؤسسې رهبري، د خپلو محصلانو نوموړې هڅې او کوښښونه ستايې، او ټولو ته د زړه له تله مبارکي وړاندي کوي او په راتلونکي کې ورته د نورو غوره لاسته راوړنو هيله لري.
