په څېړنه کې د ماخذ لیکنې سافټویر (Zotero) د کارونې ورکشاپ دایر شو.
میرویس خان نیکه زابل د لوړو زده کړو مؤسسې د اقتصاد او نورو پوهنځيو استادانو او د څلورم ټولګیو محصلینو ته د نوماند پوهنیار احسان الله سعد له لوري په څېړنه کې د ماخذ لیکنې سافټویر(Zotero) د کارونې په هکله یو ورځنی ورکشاپ د معلوماتي ټیکنالوژي عمومي مدیریت په کمپیوټر لیب کې دایر شو.
دا برنامه، چې د محصلینو ترڅنګ استادانو هم په کې برخه لرله، د قران عظیم الشان په څو مبارکو آیاتونو سره پیل شوه، ورپسې استاد نوماند پوهنیار احسان الله سعد د ماخذ لیکنې سافټویر (Zotero) پېژندنه، په دې سافټویر کې پروفایل، لیبرري جوړول، لیکلي اسنادونه او ماخذونه ترتیبول، د متن ماخذ لیکنه (Citation) او د منابعو او سرچینو ماخذ لیکنه(Reference List) موضوعات د عملي کار په کولو سره محصلینو ته تشریح کړل، یاد ورکشاپ د ګډونوالو پوښتنو ته په ځواب ورکولو سره پای ته ورسید.
د یادونې وړ ده چې د اقتصاد په پوهنځی کې وخت او اړتیا ته په کتو؛ هغه سافټویرونه چې د تحصیلي څانګې او مسلک اړوند دي محصلینو ته د زده کړو او د کار په ساحه کې د اسانتیاوو رامنځته کېدو په موخه َښودل کیږي/تدریسېږي.
