د اصلاحي بیانو په دوام سره نن بیا هم د اسلام له نظره د نوروز ورځې نمانځلو اړوند اصلاحي بیان وشو
نن په میرویس خان نیکه زابل د لوړو زده کړو مؤسسه کې د شرعیاتو پوهنځی د یو بل تن استاد مفتي نصیرالله وحدت صاحب له لوری د نوروز ورځې د نمانځلو اړوند اصلاحي بیان د یادې مؤسسې د غونډو په تالار کښې وړاندی شو، چې د مؤسسې استادانو او محصلینو په کښې ګډون کړی وو.
مفتي نصیرالله وحدت صاحب لومړی د اسلام د دین پر بهتروالۍ باندي په تفصیل سره و حاضرینو ته وینا وه کړه او وروسته یې د اسلام له نظره د نوروز د ورځې په اړه معلومات، د دغې ورځې حرمت او دې ورځو کې خوشحالي کولو هر اړخیز بحث وکړ او زياته يي کړه چې د نوي کال لمانځل حرام او ناروا دی! انس بن مالک رضی الله عنه وایې: کله چې رسول الله (صلی الله علیه وسلم) مدینې منورې ته راغی(هجرت یې وکړ) هلته په مدینه کې انصارو دوه ورځې (نوروز او مهرجان) نمانځلې، رسول الله (صلی الله علیه وسلم) ور څخه پوښتنه وکړه دا څه دي؟ صحابو کرامو وویل: یا رسو الله (صلی الله علیه وسلم) دا دوې ورځې دي چې موږ یې د پخوا( جاهلیت د دور) څخه لمانځو، رسول الله (صلی الله علیه وسلم) ورته و فرمایل: دا ورځي به نور نه نمانځئ، الله (جل جلاله) ددې په بدل کې تاسو ته دوه غوره د کوچني او لوی اختر ورځي درکړي چې ویې نمانځئ.
د نوي کال په نوم مراسم نمانځل د جاهیلت د زمانې دود وه چې وروسته مجوسیانو دا دود تر ننه پورې ژوندی ساتلی. د نوروز ورځ نمانځل، تبریکی ورکول، اوه قسمه میوه او خوراکونه تیارول, د دغی ورځی په مناسبت نوی او ښایسته جامی اغوستل، چاته هدیه او تحفه لیږل، رخصتی کول، دکارونو ځنډول, میلو، زیارتو او نورو ځایونو ته تلل قطعاً حرام دی. اسلام د نوروز د ورځې د نمانځلو څخه په ښکاره منع کړې ده، که د پوهیدو وروسته بیا هم څوک دا ورځ نمانځي یقیناً هغه به په ښکاره د اسلام سره د ښمني او داسلامي شریعت څخه سرغړونه کوي.
